PM Ekta Mall sakna atan inremna ziak

Tourism department hnuaia Mizoram Tourism Development Authority (MTDA) leh HLL Infra Tech Services Ltd. (HITES) chuan nimin khan Tourism minister Lalrinpuii pisaah Chawnpuia PM Ekta Mall sakna tur atan inremna, Memorandum of Agreement (MoA) an ziak.

PM Ekta Mall chungchangah vek hian MTDA leh India Infrastructure Finance Company Limited (IIFCL) Project Limited, New Delhi ten Project Management Unit (PMU) service turin MoA an ziak bawk.

PM Ekta Mall-hi mahni kutkawiha eizawng (entrepreneur, artisan & weaver)-te inpho chhuahna atana ruahman a ni a; tualchhunga thil siamte bakah, One District One Product (ODOP), Mizorama GI product awmte leh state hrang hranga kut themthiamte thil siam (handicraft product)-te lei theiha pho chhuahna tur a ni.

PM Ekta Mall sakna tur atan hian SASCI 2023-24 Part VI (Construction of PM Ekta Malls) aṭangin sorkar laipuia Ministry of Commerce & Industry hnuaiah sum hmuh a ni. India rama state leh union territory tinah sak vek tura ruahman a ni a, cheng vbc 127 ruahman niin, kum thum chhunga sak zawh tura tih a ni.

Sorkar thuchhuah tarlan danin, PM Ekta Mall satu tur (executing agency) HLL Infra Tech Services Ltd. (HITES) hi Ministry of Health and Family Welfare hnuaia HLL Lifecare Limited (a mini Ratna PSU) 100% subsidiary a ni a; IIFCL Project Limited (IPL)-te hi 100% Govern-ment of India undertaking a ni bawk.