Fisheries-a thawkte'n inkhawmpui hmang

Mizoram Fisheries Technical Service Association (MFTSA) chuan nimin khan Fisheries conference hall-ah General Conference vawi 30-na an hmang a, Fisheries secretary H Lalengmawia'n hmanpuiin, district hrang hranga Fisheries department-a thawk technical mite an tel.

H Lalengmawia chuan, Fisheries department-a thawkte chu huaisen taka department tana ṭan la zel turin a fuih a, "Farmer-te'n sangha khawi hi eizawnna tak taka an hman theih nan rilru dik tak put ṭheuh a ngai a, eizawnna atan a hlawhtlinpui tham rilru puttir a ngai," a ti.

Fisheries departrment tarlan danin, Laldenga Fisheries Demonstration Farm, Lengpuiah nghahrah leh nghasen khawi chhin a ni a, dilah an ṭhang ṭha hle tih an finfiah. YMA, Dapchhuah Branch nen ṭang dunin nghaphusen, nghabual, nghahrah leh Mizoram luia sangha dangte tuitir tum mek a ni bawk.

Fisheries department hi kum 1972 khan Agriculture department hnuaiah peng (wing) pakhat angin din a ni a, September 13, 1993-ah department puitlingah dah a ni.

MFTSA inkhawmpuiah Mizoram Journalists' Association (MJA) kaihhruaiin hian kum 2024-2026 chhunga office bearer tur thlan a ni.