Thil rûk lei lo turin ngen

Mizoram police-te chuan thuchhuah siamin, mi thil rûk sa nia rinhlelh zawrhte chu lei lo tur leh chutiang tawngte chu police station hnai bera hriattir turin an ngen.

Police thuchhuah chuan, police record-a a lan danin, tunlaiin mi thil rûk sa an zawrh leh, a man a tlàwm vanga lei chíng mi tam tak an awma hriat a nih thu tarlangin, "Hei hian thil rûk nasa takin a tihluar a ni," an ti a; thil rûk sa reng reng chu a man aṭangin emaw, a zuartute aṭangin emaw ruk a ni tih rinhlelh theihna a awm niin an sawi.

Police-te chuan, mi thil rûk lo leitute chu IPC Section 411 hmanga hrem theih an ni a, kum thum thleng tàntir emaw, pawisa chawitir theih an nih thu an sawi a; a leitute man chhuah an nih chuan an dan anga hremna lek zel tum a nih thu leh, chutiang thubuai chu mi eng emaw zat an neih tawh thu an sawi bawk.