Lunglei doctor-te tan training

Lunglei district huam chhunga medical officer-te puala buatsaih, National Vector Borne Diseases Control Prog­ramme (NVBDCP) thlirhona chu nimin khan RNTCP hall, Lungleiah neih a ni.

Training-ah hian kum­in January-April chhungin Lunglei dis­trict-ah malaria hrik pai mi 609 hmuhchhuah an nih tawh thu tarlan a ni. Training hmanpuitu jt. director (Malaria) Dr. C Zarzoliana chuan tihdamna ringawt ni lo, mipuite malaria natna laka invenna ngai pawi­mawh tura inzirtir a ṭul thu sawiin, "Lunglei district hi malaria case tamna hmun (endemic zone) a ni a, medical officer zawng zawngten mahni awmna hmun ṭheuhah, malaria tihtlem a nih theihna turin ṭan la a, theihtawp an chhuah zel a pawimawh a ni," a ti.

Training-a tarlan a nih danin, Lunglei district huam chhungah kumin January-April chhungin mi 9,737 thisen exam a ni tawh a, an zingah hian malaria hrik pai 609 hmuhchhuah a ni. Kum 2014-ah mi 43,419 thisen exam niin, malaria hrikpai 4,627 an awm a, malaria vanga thi mi pali an awm a ni.