Champhai dist. loneitute ṭanpuina siam

Sorkar chuan thu­chhuah siamin, nikum lamah ruahtui a tlak tlem avanga Champhai district chhunga lonei­tute'n buhbal an thar tlem avangin, Champhai District Agriculture depart­ment chuan lonei­tute'n kawng hrang hrangin ṭan­puina a rua­hman thu a tarlang.

Sorkar thuchhuah tarlan danin, Champhai district-a loneitute hi leilehna khawl (power tiller) 99 leh tui pump-na tur (pump set) 188 man tlawm zawkin a leitir dawn a ni.

Power tiller leina atan hian Rastrya Krishi Vikas Yajona (RKVY) scheme hnuaiah sorkarin Rs 75,000 a ruahman a, pum set leina atan hian Na­tional Food Security Mis­sion (NFSM) leh RKVY Scheme hnuaiah Rs. 10,000 a rua­hman thung.

Champhai DAO Lal­thanzuala chuan nikum aiin kuminah ruahtui a tlak tlem a hlauhawm thu niminah sawiin, "Kumin June thla hi tun hnaia Champhai district-in June-a ruahtui a dawn chhiat ber a ni a, vawiin thlengin ruah 19.89mm chauh a la tla," a ti a, loneitute chu buh chi phun tur kui ṭiak rih lo turin a chah.

Hetihlai hian, Agri­culture depart­ment chuan Champhai district chhunga leilet zau hrang hranga chin turin phairam buhchi ṭha leh thlaichi venna hlo a sem a ni.