'Music, Money, Madness... Jimi Hendrix In Maui' Nov-ah

Experience Hendrix L.L.C. leh Legacy Recordings ṭangkawp chuan November 20 hian guitar legend Jimi Hendrix feature documentary thar 'Music, Money, Madness... Jimi Hendrix In Maui' an tlangzarh dawn a, hemi rual hian a album thar 'Live In Maui' an tlangzarh dawn bawk.

Documentary-ah hian Jimi Hendrix Experience-in Maui an tlawh chungchang vel tihlan a ni dawn a, Hendrix-a fan-te tan chuan a nghahhlelhawm hle ang.

Khawvela guitarist ropui ber ang hiala mi tam takin an ngaih Hendrix hi a dam rei lo hle a, a thih khan kum 27 chiah a la ni. Naupangtein thi mah se rimawi khawvelah erawh sulhnu a hnutchhiah ṭha hle a, Rock and Roll Hall of Fame phei chuan "arguably the greatest instrumentalist in the history of rock music" tiin an sawi hial a ni.