CYMA-in Chakma foreigner chungchang an ngaihtuah

YMA Central Executive Committee chu nimin khan CYMA Committee Room-ah an ṭhukhawm a; Chakma foreigner thila hmalak zel dan tur an ngaihtuah.

CEC meeting-ah hian Chakma foreigner census chungchanga hmalakna a thlir a; Ministry of Home Affairs-in Bangladesh mi, March 25, 1971 hnu lama India rama lo lutte chu dan loa awm, ram dang mi-ah a pawm avangin Bangladesh aṭanga Mizorama March 25, 1971 hnu lama Chakma lo lutte chu foreigner-ah an ngai. He mi chungchang hi Mizoram sor-karah thlen an rel a ni.

CYMA OB ten UD&PA minister Zodintluanga an kawm ṭum a, AMC-in 16.6.2015 aṭanga Property Tax lak an tumah danin a phut anga, Municipal Appellete Tribunal din a nih hma chuan Property Tax la rih lo tura an ngenna chu CEC hian an pawm a ni.