Sorkar project kal tluang lo 53 a awm

Special Project Monitoring Committee chu nimin khan an chairman Zodintluanga, UD&PA minister hoin Secretariat Conference Hall-ah an ṭhukhawm. Meeting-ah hian project kal tluang lo 53 a awm thu tarlan a ni.

Meeting-ah hian sorkar department hrang hrangte'n Non Lapseable Central Pool of Resources (NLCPR), North Eastern Council (NEC), Special Project Assistance (SPA) leh 13th. Finance Commission hnuaia sumfai hmanga hna an thawhte an thirho a ni.

Tun dinhmunah chhan hrang hrang vanga a nih tur leh ruahman anga kal-tluang thei rih lo project 53 a awm a; chu'ng project tangkhangte chu an kal tluan loh chhan thlirho a nih bakah, hmalak zui dan tur an rel.

Meeting-a tarlan danin, project ṭhenkhat chhunzawm theih loh chhan chu - hna thawh ṭan tawh, instalment dang la thlen loh vanga chhunzawm rem mai lo te; technical thil fel loh vanga chawlh lailâwk te; contractor la thlan fel loh vang te; utilisation certificate la peihfel loh vanga khaihlak leh hna la ṭan loh hrim hrimte a ni.

Special Project Monitoring Committee hi project hnathawh sukuk leh khaihlak en thlithlai turin March 16, 2015 khan din a ni.