Luia nungcha humhalh lawmman hlan

Fisheries department chuan nimin khan Serchhip Hmar Veng YMA Hall-ah Serchhip district chhunga YMA branch leh YMA group hrang hrang zinga lui dung nungcha humhalh ṭhate lawmman an hlan.

Lawmman hlan in­khawm hmanpuitu Serchhip DC Juhi Mukherjee chuan, "Lui dung nungchate humhalh kawngah YMA-te hi Mizoram tana hnukpui ber leh a hnaikaitu ber an ni. Mizoram luite hi India ram hmun ṭhenkhat luite aia thianghlim a ni," a ti.

Serchhip sub-hqrs. YMA vice president Kawl­ṭhuama chuan, nung­chate humhalh mai bakah an chenna tur tui thiang­hlim leh tam zawk a awm theih nan ramngaw humhalh a ṭul thu a sawi.

Lawmman hian Vantawng Group YMA bakah, YMA branch pasarih - Mual­cheng, Keiṭum, Chhiah­tlang Chanmari, Ser­chhip P&E Veng, Chhiah­tlang, Zotuithiang, Chhiahtlang Hmarveng leh Serchhip Hmarveng te hnenah hlan a ni a; thuchei leh Rs. 40,000 ṭheuh pek an ni.