Halpuah leh halmawi an man

Aizawl Police Station staff-te chuan December 21, Inrinni khan halpuah leh halmawi Rs 64,439 man hua chhût an man.

Police-te hian halpuah leh halmawi hi F Lalremruati (25) d/o F Lalramliana, Armed Veng nia inchhal leh Vanlalpekhlua (28) s/o Lalhmingchhuanga, Ramhlun South nia inchhal hnen aṭangin Chhinga Vengah an man a, Rs 15,000 man hu a ni. F Lalremruati leh Vanlalpekhlua lakah hian Aizawl Police Station-ah thubuai an ziaklut.

F Lalremruati leh Vanlalpekhluate thusawi an chhuizui naah police-te chuan Lalhmingliani (23) d/o Lalhlimpuii, Kulikawn Veng nia inchhal hnen aṭangin halpuah leh halmawi Rs 49,439 man hua chhût man an leh a, Kulikawn Police Station-ah thubuai ziahluh a ni.