Deputy Speaker-in kawng siam a tlawh

Assembly deputy speaker Lalfamkima, Kolasib bialtu MLA chuan December 20, 2024 khan Sadguru company-in Kolasib Diakkawn phei kawngpui an siam mek a enfiah a; hna thawktute chu theihtawp chhuah tur leh mipui pawh hnathawktute hna tiṭhuanawp loa ṭawiawm ṭhin turin a chah.

Deputy Speaker hian Khuangpuilama Sadguru inbenbelna hmun (stock-point) a tlawh a; hmanrua an hmante leh an sawngbawl dan a en. Sadguru hotute'n electric an lakna hrui motor-in a tai chah avanga harsatna an tawh chungchang an lo thlenah thuneitute phone-a be nghalin, a bawhzui nghal a ni.

Kolasib Khuangpui-lama khelmual tur laih mek pawh tlawhin Lalfamkima chuan, chak zawka hna thawh a nih theih nan theihtawp chhuah turin thuneitute a hrilh bawk.