Traffic awareness video/reels insiamsiak lawmman hlan a ni

Aizawl Traffic Police-in traffic awareness campaign atana lemchan tawi (video clip/short reels) insiamsiaka ti ṭhate hnenah December 20, 2024 khan Traffic SP Stephen Lalrinawma'n lawmman a sem a; Kanan Traffic Management Committee chu pakhatna an ni.

Stephen Lalrinawma chuan, AMC huam chhunga Local Traffic Management Committee-te nen thawhhona ṭha tak an nei chu lawmawm a tih thu a sawi a, "Traffic police-te hi khawi hmunah pawh duty indah theih a nih loh avangin local traffic management committee-te'n an mahni huam chhung ṭheuhah theihtawp min chhuahpui a ṭul," a ti a, traffic awareness lamah theihtawp chhuahpui turin mi tin a sawm.

Video clip/short reels insiamsiakah hian pakhatna Kanan Traffic Manage-ment Committee hnenah Rs 25,000 hlan a ni a; pahnihna Bawkers Union hnenah Rs 15,000 leh pathumna IPR department hnenah Rs 10,000 hlan a ni.