KHAWTHLIR

KṬP-in thisen pe

December 21, Inrinni khan KṬP, Zonuam Pastor Bial chuan Synod Hospital tan thisen unit 58 an pe a, petute mipa 54 leh hmeichhia pali an ni. KṬP Chaltlang Branch pawhin Civil Hospital Aizawl tan unit 43 an pe a, petute mipa 34 leh hmeichhia pakua an ni.

Electric current man vangin thi

Lalremruata (33) h/o Lalnunziri, Mamit Hmarveng chu December 21, Inrinni chawhma dar 11:20 khan electric current man vangin a thi. Thu dawn danin, Lalremruata hi Power & Electricity department-a a nghet loa thawk a ni a, Mamit Hmarveng, Sericulture farm bulah isolator vuah ṭhain line hnawkte an tifel a, hna an thawh laiin electric current kalin a man a, damdawi-in thlenpui a nih chuan a thi tawh a ni.

Bazar endik

Lunglei DC, SP, khawtlang leh sumdawng pawl aiawhte chuan December 21, Inrinni khan joint inspection an nei a; Lunglei Sobji Bazar kawng dungah lirthei kalna leh mipui kea kalte dîpdâl zawnga thil zuar an awm leh awm loh an endik. Mipuite tháwl zawk leh him zawka an veivah theih nan a chêp laia inpho ṭhenkhat chu insiam remtir an ni.