Aizawl kawn chei mawi zual 10 hnenah AMC-in lawmman a hlan

Aizawl Municipal Corporation (AMC) chuan vawiin chawhma dar 11 khan kumin Krismas leh kum thar 2025 lo thleng tur puala Aizawl khawpui kawn cheimawi zual 10 hnenah lawmman a hlan.

Lawmman hlanna inkhawm tawi, AMC kawt zawla neih hi municipal commissionerJoseph H Lalramsanga'n a kaihruaia, joint municipal commissioner Lalremruata Kullai-in kawn chei endikna an kalpui dan a tarlang. Aizawl mayor Lalrinenga Sailo-in thu a sawi bakaah, lawmman dawngtuten thu an sawi bawk.

Joint Municipal Commissioner tarlan danin, kumin Krismas leh kum thar 2025 puala kawn chei endikah hian AMC corporator-te kaihhruaiin team 4 ten AMC Ward hrang hrang an endik a; endikna an kalpui hmain khawtlang hruaitute an biak hmasak hnuah Aizawl khawpui veng 18-a kawn chei 27 an endik a ni.

Endiknaah hian Krismas theme an tarlan dan te, faina kawnga hma an lak dan te, mihring himna tur leh traffic management an ruahman dan te, kawn cheinaa veng mipui participate dan leh tlawhtu an tam dante chu tehna atana an hman tlangpui a ni.

Kawn chei 27 endik zinga a ṭha zual 10 hnenah AMC hian lawmman Rs 50,000 ṭheuh a hlan a; lawmman hi a cheitute hnenah hlan niin, kawn chei 10 zinga pathum hi Mission Vengthlang chhunga mi a ni a, MSVT Branch YMA inblawmman hi an dawng a ni.

Lawmman dawngtute

1. Zuangtui Lungphun Kawn Chei Committee

2. Tuikhuahtlang YMA

3. Tlangnuam, Chawngbawla Section YMA

4. Chanmari West Salvation Army

5. Mission Vengthlang YMA (lawmman 3 an dawng)

6. Mission Veng YMA

7. Chanmari YMA

8. Kulikawn YMA