Union Minister-in Aizawlah Rozgar Mela a hmanpui

Sorkar laipuia Fisheries, Animal Husbandry and Dairying and Panchayat Raj minister of state Prof. SP Singh Baghel chu Mizoramah a rawn zin a; nimin khan 2nd Assam Rifles hmuna 14th Tranche Rozgar Mela a hmanpui.

Rozgar Mela-ah hian Prof. SP Singh Baghel hian security force/Postal department hnuaia hna hmu tharte hnenah Appointment Letter a hlan a ni.

Prof. SP Singh Baghel chuan, Rozgar Mela hlawhtlinna chhan pawimawh tak chu prime minister Narendra Modi hmahlir tha tak leh ram venhimna leh inpumkhatna a ngaih pawimawh vang a nih thu a sawi.

Aizawla Rozgar Mela hi Assam Rifles-in movie an siam enhoin bul tan a ni a, Prime Minister thuchah enho zui a ni. Inkhawmah hian AR 23 Sector DIG Brig. Girish Upadhya pawhin thu a sawi a; 2nd AR commander Col. Mukesh Suhata a tel bawk.