Mizoram Governor thar tur Gen. VK Singh

Sorkar laipuia minister of state hlui leh chief of army staff hlui Gen. (Dr) Vijay Kumar Singh, PVSM, AVSM, YSM (Retd.) chu Mizoram Governor atan India President-in a ruat.

PIB tarlan danin, Mizoram Governor Dr Hari Babu Kambhampati chu Odisha Governor atan ruat a ni a; amah thlak turin Gen. VK Singh a ruat nghal bawk a ni.

Mizoram Larsap thar tur Gen. Vijay Kumar Singh hi May 10 1951-a piang niin, Indian Army atanga a chawlh hnuah politics-ah a lut a, PM Modi kaihhruai sorkarah minister of state a lo ni tawh a, ministry a enkawl zingah DoNER, Ministry of Road Transport and Highways, Ministry of Civil Aviation leh External Affairs te pawh a tel a ni.