Halpuah hâl lo turin Hnahthial district mipui ngen

South Tuipui bialtu MLA Jeje Lalpekhlua chuan kum hlui thlahna leh kum thar 2024 lawm nan halpuah leh halmawi hâl lo turin Hnahthial district mipui a ngen.

Hockey Women's Junior Asia Cup-a India champion-puitu PC Lalrinpuii nimin December 27 chhuna Hnahthial Bazar kâwna hmuahna inkhawmah thu sawiin Jeje Lalpekhlua chuan, "Kan hma lawkah kum thar kan chuang kai dawn a, sorkarin a khap halpuah leh halmawite hâl lo turin Hnahthial district mipuite a sáwmin a ngen a ni," a ti.

ZPM Thalai president ni bawk Jeje Lalpekhlua chuan ruihhlo laka fihlim turin thalaite a fuih a; ruihhlo ti lo tur leh ruihhlo tihrêmna kawngah sorkar kutke Excise & Narcotics, Police, NGO-te keh kohhrante tan rual a tul thu a sawi bawk.