Buhfai supplier atan MIZOFED

Food Civil Supplies and Consumer Affairs (FCSCA) department chuan thuchhuah siamin, mimal supplier-te buhfai supply tura innghahna chi-ah sorkarin a ngaih tawh loh avangin, buhfai supply turin MIZOFED thlan a nih thu a tarlang.

FCSCA department tarlan danin, buhfai supply turin tender vawi hnih chhuah aṭangin, supplier pahnih thlan an ni tawh. Supplier thlan hmasak zawk chuan sorkarin a mamawh zat a hun takah a thlen thei lo ṭhin a, supplier hnuhnung zawk pawhin theihtawp chhuah mah se, rél kawng a chhiat vang leh fûr laia kawng a
ṭhat loh avangin a hun takah buhfai mamawh zat a supply thei lo bawk.

Buhfai chu sorkarin a ngaih pawimawh avangin uluk taka ngaihtuah a nih hnuah buhlai qtl. 65,000 - 80,000 thla khat chhunga supply thei turin sorkar chuan MIZOFED chu rintlak bera ngaiin supplier atan a thlang a ni.

MIZOFED-ah hian 98% share chu Mizoram sorkar ta a ni a, FCSCA department Manual-a clause 2.3 chuan buhfai chu sorkarin a man zat a bituksak hnuah chuan government agency supply-tir a phalsak. Clause 2.3 tlawhchhan hian State Purchase Advisory Board (SPAB)-in MIZOFED chu buhfai supply turin a rawt a ni.