Minister pahnihin leimin an enfiah

PWD department enkawlnaa Chief Minister puitu minister Lal Thanzara leh Disaster Management & Rehabilitation (DMR) minister Ngunlianchunga-te chuan, nimin khan Rangvamual leimin an enfiah.

Minister Lal Thanzara chuan, Rangvamual kawngpui, NH-54 chu kawngpui pawimawh, Mizoram châk lakna pui ber a nih avangin leiminin kawng a hnawh loh nan theihtawp chhuah zel a nih thu a sawi a; leiminin kawng a tihchhiat tawhte pawh a theih dan ang anga siam zel a nih tur thu a sawi.

DMR minister C Ngun-lian-chunga chuan, leimin thiantu con-tractor hnenah DMR department aṭangin leimnin thenna tur cheng nuai 77 pek tawh a nih thu a sawi a, "Cheng nuai 77 hi an hmang zo tawh a, sum pek belh tura an dil angin, DMR department
aṭangin pek leh dan tur ngaihtuah mek a ni," a ti.

Rangvamuala NH-54 kawngpui hnawh ṭhintu leimin thenfai hna hi DMR department pek cheng nuai 77 hmangin contractor-in an thawk a; cheng nuai 77 chu an hman zawh tawh avangin tunah hian leimin then hna chu an chawlhsan rih nia thu dawn a ni.