MIFCO hnathawk sorkara luh duhte an luh theih dan tur kawng zawn an rêl

MIFCO Board of Directors chu nimin khan an chairman PC Zoram Sangliana, MLA hoin a pisaah an ṭhukhawm a; MIFCO-a thawk sorkara la awm duhte tan an luh theih dan kawng dapsak an rel.

Mizoram sorkarin MIFCO hi mimal kuta hlan (privatise) tura a tih avangin, early retirement scheme (ERR) hmangin thawktu 77 zinga 56-te chuan an hna an chawlh-san a; a bak zawngte chuan sorkar hna thawh chhunzawm an duh. Sor-kar hna thawh chhun-zawm duhte hi MIFCO Board of Directors chuan sorkar hna an thawh leh theihna atan puih an tum a ni.

Sorkar thuchhuah tarlan danin, MIFCO hian hmachhawp eng emaw zat neiin, Bung Bangla-a ran talhna chu sorkar laipui nena ṭangkawpin din thar leh turin hma an la mek a; thawktu tur contractor pawh thlang fel tawhin, a hmunhma siam rem hna ṭan tawh a ni. Sairang Food Processing Plant-ah mineral water siamna khawl bun tuma hmalak a ni a, hna thawktu tur an zawng mek.

MIFCO meeting chuan an hmachhawp leh hmalakna hrang hrangte chu chak takin kalpui ni se, an ti.