Kohhran Thianghlim-in Jerusalem Khawmpui an hmang

Kohhran Thianghlim chuan December 25-27, 2024 chhung Solomona Temple, Chawlhhmunah Jerusalem Khawmpui vawi 36-na an hmang a; thupui chu 'Amahah chuan kan tlanna kan hmu a ni, kan sualte ngaihdamna chu' tih a ni.

Inkhawmpuiah hian Mizoram hmun hrang hrang atangin palai thahnem tak an tel a; December 25 khan Lalpianga, Khawzawlin kum 2025 atana Kohhran hnarkaitu bu a tlangzarh a, Challiana, Tripura Sabualin 2025 Solomon's Temple Budget bu a tlangzarh.

December 26 khan an kohhran chhunga zirlai ti ṭhate hnenah lawmman Cash Incentive Award hlan a ni a; December 27 khan Kohhran Thianghlim dintu Dr LB Sailo video-biography tlangzarh a ni bawk.