Sunday school kai tha lawmman sem a ni

Nimin Pathianni, December 29 khan Mizorama kohhran hrang hrangte'n kumin chhunga sunday school kai tha lawmman an sem.

Mizoram Synod hnuaia Mizo Sunday School Union (MSSU) syllabus angin nimin khan Mizoram Presbyterian tualchhung kohhran tinah sunday school kai tha lawmman sem a ni a; lawmman hi pakhatna (kai kim) atanga pathumna thleng siam a ni tlangpui. Sunday school kai tha lawmman hi naupangte'n an hlimpui zual hle a ni.

Mizorama Catholic kohhran hrang hrangte pawhin nimin khan kumin chhunga sunday school lawmman an sem a; sunday school kai kim, sunday school exam leh kumina Bible chhiar chhuakte hnenah lawmman an sem a ni.