Krismas Puala Thisen Pekah Thisen unit 1,278 pek a ni tawh

Association for Voluntary Blood Donation (AVBD), MSACS leh blood bank-te'n Krismas puala thisen pek an huaihawtah Krismas ni thleng khan Aizawl district-a blood bank pathumah thisen unit 1,278 pek a ni.

AVBD tarlan danin, Krismas puala thisen pek hi kumin December thla chhung kalpui a ni dawn a; December 1-23, 2024 chhung khan Aizawl district-a blood bank pathumah mipa 1,032 leh hmeichhia 246-te'n thisen unit 1,278 an pe.

Civil Hospital, Aizawl tan mipa 748 leh hmeichhia 196-in unit 944, Synod Hospital tan mipa 192 leh hmeichhia 24-te'n unit 216 leh State Referral Hospital tan mipa 92 leh hmeichhia 26-te'n unit 118 an pe a ni.

AVBD chuan, thisen petute zawng zawng chungah an lawm thu an tarlang.