KHAWTHLIR
Relief Sunday
Nimin Pathianni khan Baptist Kohhrante chuan 'Relief Sunday' an hmang a, thupui chu 'Ṭanpui vartu hnai reng' tih a ni. Nimin vek khan khawvela Baptist ṭhalai dangte rualin ṬKP-te'n Baptist Youth World Day of Prayer an hmang a; ṬKP unit-te chuan nimin tlai khan zanriah ngheiin ṭawngṭai rualna hun an hmang a ni.
Pass lawmpui
MZP sub-headquarters, Vairengte chuan June 12, 2015 khan Vairengte community hall-ah an khuaa zirlaite ti ṭhate chawimawina hun an hmang a, MZP president hlui Lalruatkima, MLA-in a hmanpui. Vairengte aṭang hian kumin HSLC-ah distinction-ah mi pariat, first division-ah mi 18 an pass a, HSSLC-ah first division-ah mi pariat an pass bawk.
IIE meeting
Indian Institute of Entrepreneurship (IIE) buatsaihin Inrinni khan IPR Auditorium, Aizawlah stakeholder-te intawhkhawmna neih a ni a, India Infrastructure Finance Company Ltd. (IIFCL) chairman SB Nayar-a'n a hmanpui. IIE hi Ministry of Skill Development And Entrepreneurship hnuaia pawl pakhat niin hmar chhak state ah IIFCL-NSTFDC project an kalpui. Project-in a tum ber chu hmarchhak biala tlangmite chu kut themthiamna zirtira eizawnna ṭha tak an neih theihna tura dawmkan a ni.
STEE result
Mizoram Board of School Education (MBSE) chuan June 12, 2015 khan State Technical Entrance Examination 2015 (STEE) result a tichhuak. Kumin STEE-ah hian form thehlut zirlai 1,765 an awm a ni.
Lehkhabu pe
Zosangzuala (Red Wheelchair), Electric Veng chuan a lehkhabu ziah, 'Theih nise' tih chu MJA Public Library a dah atan bu hnih a pe a, MJA chuan lawmawm an ti hle.