Venglaiin kawnga lirthei riah khap

Aizawl Venglai khawtlangin June 2015 tir aṭanga an veng kawngpui sira zan riaka lirthei dah an khap chu, Inrinni zing khan Traffic SP C Lal­thanmawia'n a hawng. Traffic SP chuan, traffic police leh AMC-in Aizawl khawpuia zana lirthei riah khapna thupek an bawhzui mek chu thlawp turin lirthei neitute a sáwm.

AMC executive councillor (Par­king) Rosiamngheta pawhin thu sawiin, veng ṭhenawmte'n thil ṭha an tih chu chhunzawm zel turin Aizawla veng tin a sáwm a; kâng ṭhelh motor kal theih loh khawpa kawngpui sira lirthei dah ṭhin chu tihtawp a ṭul thu a sawi.