YMA Day vawi 81-na

Vawiin, June 15 hi YMA Day vawi 81-na a ni a, Mizoram chhung leh pawna YMA branch hrang hrangte'n uar takin an lawm dawn.

YMA Day-ah hian branch tam tak chuan zing karah khua/veng chhung thenfai hnatlang an nei dawn a, chhuna hnatlang nei tur pawh an awm. Branch ṭhenkhat chuan chhun leh zanah intihhlimna hun te, inelnate an nei dawn a; ṭhenkhat chuan ruai nen an lawm dawn a ni.

YMA Day pual hian Central YMA chuan thuchah a lo tichhuak tawh a; YMA branch leh member-te chu damlo mangangte thisen pe te, veng chhung thenfai hnatlang nei tur te, mi dangte tana inpekna nía hmang ṭheuh tur leh khua leh veng chhung tana ṭangkai taka hmang ṭheuh turin a lo chah tawh a ni.

YMA Day-ah hian Central YMA hruaitute chu insem darhin, hmun hrang hrangah an hmanpui ang.