Darzokai-ah marboat siam mek

Soil & Water Con­servation department leh South Tuipui bialtu MLA John Siamkunga-te ṭangkawp chuan kumin fûr laia Chhimtuipui Darzokaia mihring leh lirtheite thiar kaitu tur marboat an siam mek.

Thu dawn danin, mar­boat hi a dung ft. 30 leh a vâng ft. 7-a liana siam a ni a, a tikal turin engine, horsepower 9-a chak pahnih hman a ni ang. Engine-te chu a rualin hman a ngai dawn lo a, pakhat a ṭhat loh chuan pakhat zawk a hman theih dawn a ni. Marboat hian pick-up motor full load-a thiar kai thei dawn niin an sawi.

Darzokaiah hian BRTF marboat a service ṭhin a, mahse a chhiat tawh avangin mipuite'n hun eng emaw chen chu Chhimtuipui lui kânna tur an nei tawh lo a ni. Kea kal kaina lei erawh an la hmang mek thung.