MPSA-in MPS post tihchian an duh

Mizoram Police Service Association (MPSA) chuan, police officer-a selection grade leh junior administrative post tihchiansak se an duh thu an sawi.

MPSA hian June 12, 2015 khan Police Headquarters-a Arya Mess-a Special Assembly an hmang a; an president Lalbiakzama'n a kaihruai. MPSA chuan, tuna SP post zawng zawng chu selection grade leh junior administrative grade awm theihna vek a nih avangin, selection grade leh junior administrative grade-te post chu sorkarin tihchiansak se an duh thu an sawi.

Home department-in Police Headquarters-a deputy SP (CPW) post leh a chelhtu chu MPS-a lak luh an remtih leh tih loh a zawh chungchangah MPSA chuan, CPW Dy. SP post chu MPS post ni se an ti a, tuna a chelh mektu erawh chu MPS-a lak luh an remti lo thung.

MPSA chuan, MPRO officer-te'n MPS-a luh an dilna chu zir chian ni se, an ti. MPRO officer pasarihin MPS-a luh ve an dilna chu a thuphunga ṭha an tih thu an sawi rualin, an rawtna zawng zawng chu an pawm loh thu an sawi. Hemi chungchang hi a zir chiangtu tur sub-committee an din a ni.