Governor thar January 9, 2025-ah lak luh a ni dawn

Mizoram Governor thar tur Gen. (Dr) Vijay Kumar Singh, chuan January 8, 2025-ah Mizoram a rawn thleng dawn a, January 9, 2025-ah Raj Bhawan circular lawn-ah Governor lak luhna inkhawm 'Swearing-in Ceremony' buatsaih tum a ni.

Nimin khan Chief Secretary Khilli Ram Meena hovin CS Conference Hall-ah Governor thar tur lo hmuah dan tur leh lak luhna inkhawm buatsaih dan tur sawiho a ni. An rel dan chuan, Gen. VK Singh chu Chief Minister, Minister thenkhatte leh sorkar official-te'n Lengpui Airport-ah an hmuak dawn a; Raj Bhavan panpui a ni ang.

Gen. VK Singh chu January 9, 2025-ah Mizoram Governor atan Gauhati High Court Chief Justice-in rinawmna thu tiamtirin a la lut dawn. Lak luhna inkhawmah Chief Minister, Council of Ministers, Speaker, Deputy Speaker, Mizoram MP-te leh sorlar official liante tel tura sawm tum a ni.

Mizoram Larsap thar tur Gen. VK Singh, PVSM, AVSM, YSM, ADC hi Indian Army-a hotu lu ber, Chief of Army Staff hlui a ni a; sorkar laipuiah Minister of State a lo ni tawh bawk.

Governor kal chhuak tur Dr Hari Babu Kambhambati chu Odisha Governor a ni thung dawn a ni.