Bethlehem Vengthlang YMA jubilee MP Ronald Sapa Tlau-in a hmanpui

Bethlehem Veng­thlang branch YMA-in an kum 50-na, golden jubilee lawmna khârna inkhawm nimina an YMA Hall-a neih chu Rajya Sabha MP Ronald Sapa Tlau chuan a hmanpui a; jubilee souvenir 'Thangchhuah' tih a tlangzarh.

Ronald Sapa Tlau chuan, YMA tan hun tawn azir zela thiam leh fing taka inher rem ve zel a pawimawh tih sawiin, "Kan khawtlang nun siam ṭha tur hian YMA member-te thawh chhuah a hun tawh a, eirukna hua leh tihrêm tuma veitu YMA member-ah kan tam chuan corruption free society kan din thei a ni," a ti.

Bialtu MLA R Van­lalvena pawhin thu a sawi a, ruihhlo tirêm turin thâ thlah loa beih a ngai tih sawiin, "NGO hruaitu zingah political party âwn lam nei an awm fo a, ram hruaitute an kal dik loha khalh ngil turin NGO-te an pawimawh ber a ni. NGO hruaitu zingah party àwn lam nei an awm chuan huai takin sorkar an khalh thei lo ṭhin a, a pawi hle a ni," a ti.