IIMC-a inzir tur MIS-te vailiam

Mizoram Information Service (MIS) officer 12-te chu vawiin aṭanga January 10, 2025 thlengin Indian Institute of Mass Communication (IIMC), New Delhi-ah an inzir dawn a; January 4, Inrinni khan Aizawl an chhuahsan a, IPR secretary Betsy Zothanpari Sailo-in IPR Directorate tual aṭangin a vailiam.

Betsy Zothanpari Sailo chuan, sorkarin MIS officer-te puala training a ruahman chu lawmawm a tih thu leh vanneihthlak a tih thu a sawi a; training turte mimal, department leh Mizoram tan hmasawnna leh rah ṭha a chhuah ngei a beisei thu sawiin, an kal chhan hriaa theihtawp chhuah turin a chah.

MIS officer training tur MIS mi 12-te hi IPR deputy director Malsawmsanga'n a ho a, Directorate-a mi pahnih leh district-a IPRO pakuate an ni.