MPCY-in Kelkang ṭanpui tum dan mak an ti

MPC party ṭhalaite chuan, Chief Minister hoa sorkar mi pawimawhte ṭhukhawmin Kelkang khaw chawm­dawlna leh harhna chhimtu mipuite awlsamna tura NLUP sum bank-a dah pung hmanga ṭanpuina a tum chu mak an tih thu an tarlang.

MPCY thuchhuah chuan, Kel­kang khuain sorkar aṭanga a bika chhawmdawlna dawn an phu hlea an hriat thu leh lawmawm an tih thu an sawi a; chutih rualin, chawmdawlna pawisa pek an tum dan chu hriatthiam harsa an tih thu an sawi.

MPCY chuan, "Sorkar pawisa reng reng bank-ah a pung awma dah phal a nih loh laia Kelkang khaw mipuite mamawhna denchhena CM-in NLUP sum dah pun a nih thu a auchhuahpui ta mai hi a ṭawngvai nge, sorkar pawisa a pung awmin bank-ah dah a thiang lo tih a hre lo zawk?" an ti a; a hma lama NLUP sum bank-a dah pungte chu a hmanna puangzar turin sorkar an phût.