District hospital pali tan DoNER-in nuai 468 a pe

Development of North Eastern Region (DoNER) chuan tun hnai khan North Eastern Council (NEC) hnuaiah Lawngtlai, Cham-phai, Mamit leh Serchhipa District Hos-pital-a bawlhhlawh sâwng-bawlna, bio-medical waste management incinerator siam nan Mizoram sorkarah cheng nuai 468 a pe. Lunglei Civil Hospital tana CT Scan lei nan nuai 228 a pe bawk.

District hospital pa-lia bawlhhlawh sawng-bawlna leh hâlna tur siam nana DoNER-in cheng nuai 468 a pek (sanction)-ah hian, DoNER chuan 90%, cheng nuai 421.20 a tum dawn a, Mizoram sorkarin 10%, cheng nuai 46.80 a tum thung ang. DoNER-in sum a pek tur hi 'Support for development / creation of infrastructure for Health centres/hospitals in NER' scheme hnuaia pek a ni.

DoNER chuan 'Sup-port for development / creation of infrastructure for Health centres/hospitals in NER' hnuaia vêk Lunglei Civil Hos-pital-a hman tur CT Scan lei nan cheng nuai 228 a rawn pe a; cheng nuai 228 aṭanga nuai 205.20 (90%) chu DoNER-in a tum ang a, nuai 22.80 (10%) chu Mizoram sorkarin a tum ang.

Health department ruahman dan chuan, Lunglei Civil Hospital-a hman tur hian ST Scan, Hitachi 16 Slice lei tum nia thu dawn a ni.

Zemabawka Com-prehensive Spastic Child-ren Care Complex sak nan DoNER chuan first instalment atan Mizoram sorkar hnenah tun hnai khan cheng nuai 60 a rawn pe bawk a; hemi rual hian DoNER chuan Mi-zoram sorkar chu a tum ve tur sum pe chhuak thuai turin a hriattir nghal a ni.