Thawhho dan tur sawiho

Mamit District Police leh North Tripura Police-te chuan Ningani khan PWD IB, Kanhmunah kawng hrang hranga thawh-ho dan tur an sawiho.

Inkawmnaah hian misual chhui kawnga thawhho dan tur te, sualna hrang hrang dona kawnga thawhho dan tur te, ramri leh a vela rawlrala chete laka thawhho chungchang te, thuruk in hrilh tawn chungchangte leh sports leh cultural programme hmanga thawhhona siam ṭhat zel dan turte an sawiho a ni.

State pahnih police-te chuan hun lokal zel turah pawh a theih ang anga inpui tawn a, thawhhona ṭha tak neih zel nise, an ti.

Meeting-ah hian Mamit District Police-te chu SP C Lalnunmawia'n a ho a, North Tripura police-te chu addl. SP K Darlong-in a ho a ni.