Suangpuilawnah Sapthei Kût hmang

Suangpuilawn khua chuan nimin khan an khaw khel-mual-ah Sapthei Kût an hmang a, Horticulture minister PC Lalthan-liana'n khuallian niin a hmanpui.

Tun kan sorkar aia kut hna-thawktute tana insengso sorkar an awm tawh em tia zawhna siam-in Horticulture Minister chuan, "MNF-in kut hnathawktute an hma-ngaih a ni thinlung taka in ti thei a nih chuan MNF vote mai rawh u. Congress party-in an hmangaih tih in pawm chuan Congress vote rawh u. Kut hnathawktute'n ruling party mi nih loh vanga duhsakna dawn loh an hlauhna ṭhin hi tihreh kan duh," a ti.

PC Lalthanliana chuan sorkarah kuthnathawktute tan chanvo leh hmun a awm tih sawiin, "NLUP hmangin mipui a nuai tel ṭanpui a ni ta hi a lawmawm a, chhungkaw tam takin hlawhtlinna an chang a, NLUP hmanga hmalakna a ni. Kût phenah hian NLUP a awm. Lawm nachang i hria ang u," a ti a, kut hman a ni thei hi kut hnathawktute chawimawina dar a nih thu a sawi.

PC Lalthanliana chuan 100%-in NLUP an hlawhtlinpui sorkarin a beisei lo tih sawiin, "A dawngtu 30%-in an hlawhtlinpui pawhin a lawmawm em em a ni," a ti.

Sapthei Kuthi AH&Vety minis-ter C Ngunlianchunga, NLUP Im-plementing Board chairman JH Rothuama leh bialtu MLA Dr Ngurdingliana te pawhin an hmanpui a; tlaiah kût ruai an ṭheh a ni.

Kûtah hian Agriculture, AH&-Vety, Sericulture, Fisheries leh Horticulture department-te'n Suang-puilawn, Daido, Phuaibuang, Khawlian, Thanglailung, Sesawng, Vanbawng, Khanpui, Lailak, Buhbàn, Hmunnghak, Khawruhlian, Làmherh, North Khawlek, Zawngin khuaa mite hnenah NLUP ṭanpuina an sem nghal a ni.

In 400 vel awmna Suangpuilawn khaw mite hi kum 20 vel chhung sapthei an lo ching tawh a, tunah hian chhungkua 40 velin an ching mek. An thar chhuahte chu MIFCO processing fruit, Chhingchhipah an hralh ṭhin a, kum 2015 khan quintal 400 vel an hralh.