Halpuah khapna leh ngenna mipuiin an zâwm ṭha - CYMA

Central YMA chuan nimin khan thuchhuah siamin, sorkarin halpuah leh halmawi a khap leh YMA-in hâl lo tura a ngenna chu Mizoram mipuiin an zawm ṭha niin an tarlang.

CYMA thuchhuah chuan, "Kum 2024 Krismas leh kum thar 2025 vuakveta sorkarin halpuah leh halmawi hâl a khap leh YMA-in hâl lo tura kan ngennate mipuiin kan zâwm ṭha a, a hlawhtling hle niin kan hria. A hlawhtlin theihna tura ṭhahnemngai taka thawktu, dan leh thupek kengkawhtu te, kohhranho te, YMA sub-headquarters, group leh branch te, chanchinbumite leh mipui chungah lawmthu kan sawi a ni," an ti.

Kum lo kal leh zel turah pawh halpuah leh halmawi hâl hi mihring hriselna atana ṭha lo lehboruak tichhetu a ni tih hriaa hâl lo zel turin CYMA chuan Mizoram mipui an ngen nghal bawk.