END-in kum 2024-ah heroin kg. 46.566, meth kg. 138 & rakzu lt. 67,911 an man

Excise & Narcotics department (END) chuan kum 2024 chhung khan rakzu litre 67,911.515 leh sapzu ûm chi hrang hrang 34,704 an man a; heroin kg. 46.566 an man bawk.

END tarlan danin, Excise enforcement-te chuan kum 2024 chhung khan rakzu lt. 67,911.515 an man bakah, zu bilh lai ṭîn 1,26,337, zu siamna bungbêl 2,933 leh dawidim (yeast) kg. 181.577 an man a; Myanmar zu (BEDC) lt. 4,119.840 an man.

Sapzu ûm chi hrang hrang 34,704 an man a, chu'ng zinga ûm 450 chu ram dang siam (foreign made liquor) niin, a bak zawng chu India siam (Indian made foreign liquor) a ni. Sapzu ûm man zatah hian ûm chi hrang hrang belh khawm a ni. Beer bûr 36,535 leh ûm 177 an man bawk.

END enforcement-te chuan kum 2024 chhunga zu leh ruihhlo chi hrang hrang an man kaihhnawihah mi 7,309 an man a, lirthei 93 an man bawk a ni.