Hunpui laiin kawlphethaah complaint a awm lo - Minister

Minister of state F Rodingliana hoin nimin khan a pisaah a department enkawl pathum - Power & Electricity, Commerce & Industries leh Printing & Stationery-a thawktute'n kum thar atana inhlan tharna hun an hmang. Minister chuan, hunpui laiin kawlphethaah complaint a awm loh thu a sawi.

F Rodingliana chuan, hmasawnna hna chak zawka kalpui a nih theih nan sorkar laipui aṭanga sum tam zawk hai chhuak turin theihtawp an chhuah dawn thu a sawi a, "Inbuatsaihna pawh kawng hrang hrangin kalpui a ni a, Krismas leh kum thar lawmna hun chhung khan mipuite'n kawlphethaah harsatna an tawh loh nan theihtawp chhuah a ni," a ti.

Kum hmasa lamah kha chuan Krismas leh kum thar vuakvetah kawlphetha khaihlak vangin mipui lam aṭangin com-plaint an dawn nual thu Minister chuan sawiin, "Kuminah chuan hetiang camplaint hi dawn kan nei lo a, a lawmawm tak zet," a ti a, thawktute inpek vang a nih thu a sawi.