VC/LC electoral roll tlangzarh a ni; District 9-ah voter 7,23,640 an awm

State Election Commission (SEC) chuan nimin khan village council 544 leh local council 111 final electoral roll a tichhuak a; district pakuaa VC 544 leh LC 111-ah voter 7,23,640 an awm.

SEC hian district pakua - Aizawl, Lunglei Serchhip, Champhai, Mmait, Kolasib, Saitual, Khawzawl leh Hnathial district-a village council 544 leh Aizawl leh Lunglei khawpuia local council 111-a final electoral roll a tlangzarh a ni.

District pakuaa VC 544-ah voter 4,377,08 awmin, mipa 2,15,610 leh hmeichhia 2,22,098 an ni a, mipa aiin hmeichhe 6,488-in an tam.

Aizawl Municipal Corporation (AMC) hnuaia local council 87-ah hian voter 2,44,726 awmin, mipa 1,13,303 leh hmeichhia 1,31,423 an ni a, hmeichhe voter 18,120-in an tam zawk.

Lunglei Municipal Council (LMC) hnuaia LC 24-ah voter 41,206 awmin, mipa 19,364 leh hmeichhe 21,842 an ni a, mipa aiin hmeichhia 2,478-in an tam zawk a ni.

AMC leh LMC-a local council 111-ah hian voter 2,85,932 an awm a, mipa 1,32,667 leh hmeichhia 1,53,265 an ni a, hmeichhia 20,598-in an tam zawk.

District pakuaa VC 544 leh LC 111-a voter zawng zawng chu 7,23,640 an ni a, mipa 3,48,277 leh hmeichhia 3,75,363 niin, mipa aiin hmeichhia 27,086-in an tam zawk a ni.

VC bikah district pakua zinga VC tam berna Mamit district-ah hian VC 92 awmin, voter pawh tam berin 63,610 an awm a; voter tlem berna Hnahthial district (VC 32)-ah voter 23,160 an awm.