MLA-in Khawhri 'haw rûnpui' a hmanpui

Khawhri khua chuan January 7, Thawhlehni khan 'Haw rûnpui' an hmang a, bialtu MLA Jeje Lalpekhlua'n a hmanpui a, Zakapa Award hmasa ber dawngtu Dr Lalrinawmi Ralte-in Zakapa lim a hawng.

Jeje Lalpekhlua chuan, Khawhri khawtlang hruaitu te, MLA kal chhuak tate leh khawtlang mipui inlungrualna fakawm a tih thu a sawi a, "Hlawhtlinna kawng hi a awlsam lo a, thi leh thau pawlha theihtawp chhuaha beih a ngai ṭhin. Kan chawr chhuahna aiin kan thlen chin a pawimawh zawk a, kan thlen tur lam pana theihtawp kan chhuah ṭhin a ṭul," a ti.

MLA chuan, "Pathian hruaina zarah hmasawnna tam tak hmuh tur a awm a, kan Chief Minister leh minister-te'n ram an kaihhruaina kawngah theihtawp an chhuah a, kut hnathawktute lamah an ṭang tlat a ni," a ti a; ZPM-in sorkarna an chan tirh aṭangin beihna nasa tak an tawh thu a sawi.

Haw rûnpuiah hian Khawhri khaw chhuak mi hmingṭhate hnenah chawimawina hlan a ni a, tlaiah ruai ṭheh a ni. Haw rûnpui hi nimin khan hman chhunzawm a ni bawk.