MKHC-in International Day of Yoga Hmang lo turin Kristiante an ngen

Mizoram Kohhran Hruaitute Committee (MKHC) chuan thuchhuah siamin, Mizorama Kristian zawng zawngte chu International Day of Yoga hmang ve lo turin an ngen.

MKHC chuan, June 21, 2015, Pathiannia International Day of Yoga hman tur chu ṭha lo an tih thu an tarlang a, "Kristiante ni serh tikhawlh­kham zawng khera a ní ruat a ni hi ṭha kan ti lo tak zet a, Mizorama Kristian zawng zawngte chuan International Day of Yoga hi hmang ve lo turin kan ngen a ni," an ti.

United Nations Organisation (UNO) General Assembly, December 11, 2014-a neih chuan June 21 hi International Day of Yoga-ah a puang a; chumi hma, September 27, 2014-a UN General Assembly-ah vek India prime minister Narendra Modi-a'n thu a sawinaah, June 21 chu International Day of Yoga atana puang turin UN a ngen a ni.

International Day of Yoga atana June 21 puan hi UN member 193 zinga 177-in an thlawpa sawi a ni.