Thlai hralh chhuah dan tur sawiho

State Planning Board vice chairman H Liansailova hoin nimin khan Planning department leh NLUP Implementing Board (NIB) leh UN Development Programme (UNDP) hotute'n hlawk zawk leh mumal zawka Mizorama thlai tharte hralh dan tur an sawiho.

Meeting-ah hian, Mizoram thlai thar hralh chhuahna mumal leh hlawk zawk atan UN Joint Intiative hnuaiah UNDP-in ruahmanna a duang tawh tih tarlan a ni a; ruahmanna chu March 2015 khan Chief Secretary hoin a kaihhnawih department hotute'n an thlirho a, bawhzuitu tur task force din an rel a ni.

Meeting chuan, task force chu NIB hnuaiah dah ni se, a ti a; July 2015 aṭanga hna thawk tan thei turin member turte pawh June 2015 chhunga ruat fel vek tura tih a ni.