Ram hruaitute'n Covid-19 Darh nasatna véng tlawh

September 13, Pathianni khan minister of state pahnih - Lal­chhandama Ralte leh Lalruatkima leh, MLA pa­hnih Lalrinsanga Ralte leh C Lalmuanpuia te chuan Ai­zawla Covid-19 darh zualna veng ṭhenkhat - Venghnuai, Tui­khuahtlang leh Dinthar venga local task force duty-te an tlawh.

Lalchhandama Ralte chuan, LTF duty-te chu an thawk hahin an buai hle tih sorkarin a hriat thu sawiin, "Heng bakah kohhrante'n an hmunhmate phal taka khung hran ngaite dah nana an pe hi a lawmawm hle a ni," a ti.

Lalruatkima chuan, swab sample latute bakah, damdawi-in lama thawktute an hahin an buai hle tih sawiin, "Hri kai endik hna hi chhun zan zawma an thawh avangin an rim tawh hle tih sorkarin a hriatpui a ni," a ti a, mipuiin sorkar an thlâwpnaah lawmthu a sawi.

LTF duty-te hian minister-te hnenah an mamawh leh ṭul dan anga hmalak zelna tura pawimawhte an lo thlen a ni.