Lungleiah World Blood Donor Day hmang

Lunglei Civil Hospital (LCH) blood bank leh Association for Vo­luntary Blood Donation, Lunglei Branch huai­hawt­in nimin khan LCH conference hall-ah World Blood Donor Day hman a ni a, Lunglei District MJA president K Lalrinpuia khuallian a ni.

K Lalrinpuia chuan, thisen pek chu nunna chhan theihna a nih avang­in uar zawka thisen pek a ṭul thu a sawi a, "Kum 2009 aṭanga Lungleia World Blood Donor Day hman a nih aṭangin mi tlawmngaite zarah nunna tam tak chhan a ni tawh a, WHO pawhin kum 2020-ah chuan voluntary-a thi­sen pek hi 100% ni tawh turin a beisei a ni," a ti.

World Blood Donor Day hmannaah hian thisen pêk rûnpui neih a ni a, mipa 96 leh hmeichhia 34-in unit 130 an pe. Thisen petute chu - 2nd Bn. MAP aṭangin mi 31, PYD aṭangin mi 54, Bethesda HSS aṭangin mi 23 leh LCH staff nurse-te aṭangin unit 22 a ni.

Kum 2014-15 chhunga pawl hminga thisen pe tamte hnenah chawimawina hlan a ni a, chawimawina dawngtute chu a hnuaia mite hi an ni.