Serchhip YMA-in BSNL hotu an kâwm

YMA sub-headquarters, Serchhip hnuaia Kumpuan Committee-te chuan nimin khan Ser­chhipa BSNL SDE Subhashish Banerjee chu a pisaah an hmu a; Ser­chhipa BSNL internet broadband signal mumal lo chung­changah an sawipui.

Serchhip YMA hruaitute chuan, internet broadband signal ṭhat loh vangin mipuiin harsatna nasa tak an tawh mek thu sawiin, a siam ṭhat kawng­a zawnga chak zawka hma la turin Subhashish Banerjee an ngen a ni.

YMA hruaitute chuan, Serchhipa BSNL internet broadband chu May 2015 tir aṭangin hman hleih theih loh khawpin a mumal tawh lo a, a cháng chuan chawlhkar khatte signal a awm lo a, a awm cháng pawhin a muang hle niin an sawi.