MCAB-in General Assembly an hmang

Mizoram Cooperative Apex Bank Ltd. (MCAB) chuan nimin khan Vanapa Hall-ah General Assembly an hmang a, Cooperation minister Lalrinmawia Ralte-in a hmanpui.

Lalrinmawia Ralte chuan, "Mizote hi cooperative movement dungthulin kan khawtlang nun leh sakhua inrelbawlna kawngah hlawhtling taka hna kan thawh theih laiin keimahni hlawkna tur, economic development lam hawia cooperative society a hna kan thawhin harsatna kan tawk leh ṭhin hi inbihchian kan ngai hle a ni," a ti.

Mizo zingah cooperative society awm­zia hrilhfiah ngai an la tam hle tih sawiin Co-operation Minister chuan, "A hriate hian a hrilhfiah kawngah mawhphurhna kan nei a ni. Movement ṭhatna pudarh tur zawngin mahni awmhmun ṭheuhah i ṭang tlang ang u," a ti a, society member-te chu inpawh tlang tak leh inlungrual taka mahni society tana tang turin a ngen.

Mizoram Cooperative Apex Bank Ltd. hi July 31, 1982-a din a ni a, Board of Di­rectors mi 11 kaihhruaina hnuaiah thawk­tute'n bank branch 13 an enkawl mek a ni.