Tlabung kudam sak ṭha loah ngai

MZP sub-headquarters, Tlabung chuan thu­chhuah siamin, Tla­bung leh a chhhehvela mite hman tur buhfai kudam thar sak dan chu a ṭha lo hle niin an tarlang.

Tlabung MZP chuan, kudam sak mek chu nimin khan an enfiah tih sawiin, "Kudam hi Nepal Kanti Dey sak a ni a, a páwn lam chu mi hmuha mawi leh ṭhaa plaster a nih laiin, a chhuat erawh a chhe hle. Pan taka plaster a nih bakah a nghet loin a khi nasa hle a, kut tina hiah khawk theih a ni," an ti.

Tlabung MZP chuan, kudam sak chu enfiah thuai tur leh, June 2015 chhung ngeia a tihṭhatna tura hma la turin thuneitute an phut.