YMA-in Darzokaia foot bridge thawm ṭha

Chhimtuipui Darzokaia kêa kal kaina lei (foot bridge) chu nimin khan South Vanlaiphai group YMA-in hnatlangin an thawm ṭha a, mi 60 vel an thawk chhuak.

Tuipui-D ah hian Chhimtuipui lui kal kaina ṭha a awm rih lo; ṭhál laia lirthei kal kai theihna tura lei an siam chawp chu tui a tam tawh avangin hman theih a ni tawh lo. Lei pangngai (suspension bridge) dawh mek chu zawh a la nih loh bakah, marboat service ṭhin pawh a chhiat tawh avangin a awm tawh lo a; motor hmangin lui kan theih a ni lo.

Lui chunga ke-a kal kaina lei chu Chhimtuituipui kânna awm­chhun a ni rih a; nimina YMA-in an thawm ṭhatna atan hian Hnahthial BDO Laldinsanga chuan Rs. 15,000 a thawh a ni.