Lirthei dah phal lohna tarlang

Lunglei SP Stephen Lalrinawma chuan nimin khan thupek chhuahin, Motor Vehicle Act, 1988 Section 117 leh Government of Mizoram Notification No.B.12012/110/2004-TRP Dt 1/6/2020 in thuneihna a pek angin lirtheia kalte leh mipui vantlang him zawk nan Lunglawn VC area huamchhungah lirthei dah phal lohna hmun a tarlang.

Lunglei SP-in lirthei dah a phal lohna hmunte chu - forest quarters luhna gate hmasa zawk aṭanga chhimlam forest check gate inkar kawngpui tlak lam pang zawng metre 61 a thui, TATA Motors Servicing Centre ep, metre 60 a thui tlak lam zawng leh Welcome to Salem Veng intarna aṭanga Lunglawn lam metre 35 tlak lam zawng.

Thupek hian chhiatrupna thil thleng a duty, dan leh thupek kengkawhtute leh a bik taka emergency thil pawimawh bik a phalsakte chu a huam lo ang.