Tlabung district siam a nih theih nan hmalak zui tum

Tlabung District Demand Committee (TDDC) hruaitute leh Tla-bung khaw chhunga V/C-te Inrinnia Tlabung Branch YMA Rúna ṭhu-khawm chuan, district headquarters-a Tlabung hlànkai a nih theih nan beidawng loa hmalak chhunzawm zel an tum thu an puang.

TDDC leh Tlabung khawtlang hruaitute inhmukhawm hian district headquarters-a Tlabung hlànkai a nih theih nana hmalak chhunzawm dan tur an sawiho a; TDDC chairman P Lalhming-liana'n a kaihruai. "Dis-trict headquarters-a Tlabung hlànkai a nih theih nan beidawng loa kan kal zel a ṭul," an ti.

Sawihonaa an sawi lan danin, Tlabung district a pian theih nan chàwl loa hmalak reng a ni a, khawsak phung tibuai tur zawng chuan hmalak a ni rih lo. District ngiata hma an lo lak tawhna na zawka bawhzui ṭha an tih thu te, Tlabung khaw páwn lama V/C-te sawipui ṭha an tih thute leh hmalakna tihchak nan V/C kaltlanga mipui hnena vehbûr khawnte an rél a ni.